Así remolca Salvamento a un pesqueiro galego á deriva

Somos Mar REDACCIÓN / LA VOZ

Foto: Censo Flota

Difunde un vídeo da Salvamar Betelgeuse auxiliando ao barco A Fervenza

A todas as horas de todos os días de todos os anos, os profesionais de Salvamento Marítimo sempre están preparados para auxiliar aos navegantes profesionais, recreativos ou deportivos que o soliciten. Iso fixo a tripulación do pesqueiro galego A Fervenza, con base oficial en Celeiro (Viveiro), aínda que na imaxe do Rexistro Xeral da Frota Pesqueira, na súa ponte de mando aparece Cariño. Enredóuselle un cabo na hélice, co cal non podía navegar polos seus propios medios, quedaba á deriva. Desde o Centro de Salvamento da Coruña enviáronlle á lancha Salvamar Betelgeuse, que o trasladou ao peirao de Oza, na Coruña.

Salvamento difunde no seu perfil de X, a antiga Twitter, un vídeo con son que permite vivir parte do rescate, ademais de comprobar as condicións do mar. O incidente sucedeu a 1,2 millas náuticas (uns 2 quilómetros) ao oeste de cabo Prior.

A Fervenza é un barco de artes menores de 9,95 metros de eslora, con casco de aceiro, 6,35 GT de arqueo e un motor de 68,4 quilowatts (93 cabalos). No vídeo gravado por tripulantes da Betelgeuse aparece co casco pintado de vermello, mentres na foto oficial é azul.

Pesquero A Fervenza, de 10 metros de eslora, solicita remolque por cabo enganchado en la hélice a 1,2 millas al W de Cabo Prior. 3 tripulantes. CCS A Coruña moviliza la Salvamar Betelgeuse, que lo remolca al muelle de Oza #SeguridadNautica #PescaSegura pic.twitter.com/N7ZlkCS89O

— SALVAMENTO MARÍTIMO (@salvamentogob) September 28, 2023