É o trámite previo á publicación do real decreto lei que establecerá as condicións para repartir 50 millóns de euros, dos que 30 serán para a pesca e 20 para a acuicultura
A secretaria xeral de Pesca, Alicia Villauriz, anunciou onte aos representantes da Federación Nacional de Confrarías de Pescadores e presidentes das distintas federacións rexionais que en breve sairá a consulta pública a orde de axudas directas financiadas polo Fondo Europeo Marítimo de Pesca e Acuicultura (FEMPA) destinadas a mitigar o desmedido incremento de custos por mor da guerra de Ucraína. Ese trámite é preceptivo para tramitar o real decreto lei que regulará a concesión dos 50 millóns de euros —30 para a pesca e 20 para a acuicultura— que se destinarán a mitigar as consecuencias socioeconómicas que o conflito bélico ha tido no sector
O citado real decreto-lei prevé a intervención das entidades asociativas representativas do sector para a xestión e pago destas subvencións, en forma de entidades colaboradoras, o que requirirá a subscrición de convenios de colaboración, salvo no caso das confrarías, ao tratarse de corporacións de dereito público.
Así mesmo, a secretaria xeral informou do estado da tramitación das axudas de Estado a empresas armadoras de buques pesqueiros, establecidas tamén no decreto do 29 de marzo de medidas urxentes para facer fronte á crise de custos. Villauriz dixo que, ata a data, publicáronse na sede electrónica do Ministerio de Agricultura, Pesca e Alimentación dúas resolucións estimatorias de pago, que supoñen case o 85 % da contía total prevista. Tamén asegurou que se segue traballando na tramitación do resto das axudas a empresas armadoras de buques pesqueiros, que presentaban diversas incidencias.
Todas estas axudas súmanse á bonificación de 20 céntimos no prezo do carburante, que xa vén aplicando a todos os buques que enchen en España e que foi estendido ata o mes de decembro.
No transcurso da reunión detalláronse ademais as dúas liñas de subvencións enmarcadas no convenio subscrito polo ministerio co Instituto de Crédito Oficial (ICO) e a Sociedade Anónima Estatal de Caución Agraria (Saeca) para facilitar o acceso ao financiamento, entre outros, ás pemes agroalimentarias e aos operadores do sector pesqueiro e acuícola, co fin de paliar o incremento dos custos de produción derivado da actual situación económica internacional.
Confraría Pescadores Cedeira 
Debe estar conectado para enviar un comentario.