Basilio Otero
Presidente dá Federación Nacional de Confrarias de Pescadores
XAIME RAMALLAL
Diario (18) do presidente das confrarías españolas
Despois de 4 semanas sen diario anímome de novo a contarvos as miñas pequenas aventuras. O motivo desta ausencia foi variado: o traballo, que non me deixou moito tempo libre a primeira semana e dous feitos que marcasen o resto da miña vida e a da miña familia, co falecemento da miña nai o 18 de abril e do meu pai o 8 de maio.
A verdade é que non teño moitas ganas de nada, pero ter a cabeza entretida é vital para superar este transo.
Esta última semana foi relativamente tranquila, xa que con motivo da celebración da feira Expomar na miña Burela non me despracei fóra da localidade e foi toda unha honra clausúraa deste sábado, porque se fixo un recoñecemento á Confraría de Pescadores de Burela neste exercicio que cumprimos 100 anos. Quero agradecer ao Padroado da Fundación Expomar, ao que con orgullo pertenzo, o ter esta deferencia coa confraría.
O certo é que vos quería falar da primeira destas 4 semanas cando me atopei no metro cun mozo que se pelexaba co cronómetro e o cubo de Rubik, supoño que adestrando, ou da semana pasada cando confundía Praza de Castela con Praza de España coas présas de chegar a todos lados, pero a verdade é que un diario que tardo cinco minutos en escribir está a custarme media hora atopar as palabras.
O único que se me vén á cabeza é o «sen poblema» que dicía o meu pai ou o «na verdá»,«vaiche gurismar», ou os «munxilós» que dicía a miña Nai.
Aproveitade cada oportunidade que teñades de pasar tempo cos vosos pais, porque cando este termínese non terá volta atrás. Eu goceinos moito, menos do que quixese, e ensináronme o que son. Espero que estean orgullosos da familia que deixaron e que podamos seguir botándoos de menos durante moito tempo os 21 membros que quedamos entre fillas, fillos, cuñadas, cuñados, sobriñas, sobriños e afillados que quedamos.
Lembrade sempre ser felices e comede peixe que vos axudará nesa felicidade.
Confraría Pescadores Cedeira 
Debe estar conectado para enviar un comentario.