A Xunta quere aparellos máis veloces e modernos que os actuais e pagará 45 millóns en catro anos polo contrato do servizo
Tras as polémicas dos últimos anos polo custo e a idade dos helicópteros do servizo de rescate de Gardacostas de Galicia, a Xunta sacou a licitación un novo contrato para a prestación do servizo que busca a incorporación de aparellos máis modernos e con maior capacidade.
O contrato conta cun orzamento de 45 millóns de euros e unha duración de catro anos, pero prevé a posibilidade dunha prórroga dun ano e a prestación de horas de voo extras que elevarían o gasto a 58 millóns.
O obxectivo do Goberno galego é que o novo contrato entre en vigor o próximo 1 de novembro, un día despois de que termine o actual. O contrato estenderase ata o 31 de outubro do 2027, ou do 2028 se se executa prorróga.
Os novos helicópteros deberán contar con capacidade para transportar a catro tripulantes e dez persoas, dúas máis que o anterior prego, licitado no 2017.
Ademais, os dous aparellos deberán alcanzar unha velocidade máxima de polo menos 150 nós (278 quilómetros por hora), mentres que o contrato anterior só requiría que chegasen a 130 nós (241 quilómetros por hora).
Tamén deberán mellorar a potencia de despegamento e ter capacidade para elevarse cun peso máximo de 6.400 quilos, cando antes a oferta do contratista podía oscilar entre os 7.000 quilos e un mínimo de 5.000 quilos.
Máis información …..
Confraría Pescadores Cedeira 
Debe estar conectado para enviar un comentario.