A pesca e a eólica

Pablo Fernández Asensio

EXDELEGADO DA CONSELLERÍA DO MAR E ASESOR PESQUEIRO

ieo

Señora Teresa Ribeira, vicepresidenta terceira do Goberno e ministra para a Transición Ecolóxica e o Reto Demográfico; señor Hugo Morán, secretario de Estado de Medio Ambiente, e promotores de eólica mariña en xeral, unha vez aprobáronse os Plans de Ordenación do Espazo Mariño (POEM) polo Executivo, quixese manifestar o seguinte:

1. O sector pesqueiro, no seu momento pasoulle ao Ministerio para a Transición Ecolóxica e ao Ministerio de Agricultura, Pesca e Alimentación, a información cartográfica dos principais caladoiros da plataforma galega e asturiana, coa situación (latitude e lonxitude), profundidade (en metros), extensión (en millas), fondo (area, cascajo, lodo, pedra…), pesca (abadexo, pescada…), artes (volante, rascos, arrastre de fondo, palangre de fondo, cerco…), así como os lances; é dicir, a pegada das diferentes artes ou aparellos. Por certo, que esta información, tanto dos caladoiros como dos lances, tena a Administración pesqueira, polo Instituto Español de Oceanografía (IEO) e o Ministerio de Pesca, respectivamente, xa que os barcos ou buques deben de ter a caixa azul, se son de máis de 15 metros de eslora e os que se dedican a unhas determinadas especies e dependendo da distancia á costa e a duración da singradura teñen que ter instalado o AIS (Sistema de Identificación Automática). Por tanto, a información ademais de obtela pola frota a través dos seus representantes, téñena dentro dos seus ministerios.

2. O sector pesqueiro leva faenando nestes caladoiros, por exemplo o arrastre de fondo máis de 140 anos (recomendo a lectura do artigo A frota de arrastre leva máis de 140 anos faenando de forma sostible”, publicada pola voz de Galicia), e o volante e palangre de fondo aínda moitos máis anos, estando as principais especies que capturan esas artes e aparellos en rendemento máximo sostible (RMS) como así o testemuñan os informes científicos do IEO e do Consello Internacional para a Exploración do Mar (ICES, polas súas siglas en inglés). Por tanto, o sector estivo mantendo en equilibrio os ecosistemas mariños vulnerables (EMV), como o son as esponxas, corais, plumas ou anemones, coa súa forma ou maneira de traballar. Se fose o contrario, non existirían nestas zonas despois de tantos anos ningún EMV. E o sector pesqueiro, é o primeiro que quere seguir mantendo a biodiversidade e os ecosistemas en perfectas condicións biolóxicas, para manter o seu traballo e as súas familias, así como levar alimentos e proteínas de primeira calidade á humanidade.

3. Non se poden comparar outras zonas nas que se instalaron eólicos e que conviven cos pescadores, como no mar do Norte ou Báltico, xa que teñen máis plataforma continental que no Atlántico norte. Dito doutra maneira máis gráfica: nesoutros mares todo é plataforma continental, ao contrario que na nosa zona que, como me imaxino coñecen, é moi estreita e pronto se sae dos cantiles; é dicir, pronúnciase o noiro e chégase á zona abisal. E ademais, neses mares o número das unidades pesqueiras é moito menor que no Atlántico. No noso caso debemos ter en conta as frotas de Galicia, Asturias, Cantabria e o País Vasco, que acoden por exemplo á campaña da cabala ou a do bonito, así como á frota de arrastre de Portugal que faena por fóra das 12 millas das liñas basee. Se aludimos ao parque eólico mariño ao norte de Portugal, preguntemos ao sector pesqueiro luso que opinión teñen.

4. Das 10 empresas que máis facturan e que máis empregos xeran na provincia de Lugo, segundo o último estudo de Ardán, 6 están relacionadas coa cadea mar-industria, como o son Porto de Celeiro, ABSA, Peixes Rubén, Peixes Orol… Non creo que todas esas empresas de enerxía renovable dos eólicos mariños, teñan o rexistro mercantil en Galicia e, polo tanto, non van contribuír ao PIB da nosa comunidade autónoma. Segundo datos dun estudo recente da Universidade de Santiago de Compostela (USC), a pesca en Galicia xera 31.000 postos de traballo directos e un PIB do 2% e 64.000 empregos na cadea mar-industria, o que leva a un PIB do 5%. Pero en determinadas zonas ou comarcas, o sector pesqueiro ou a cadea mar-industria, contribúe cun PIB moi superior, como poden ser, Barbanza 26%, Muros 13%, O Grove 20%, Mariña Central ou Occidental 7%. Debemos lembrar que, de 83 sectores ou ramas da economía galega, 76 están relacionados directamente co sector marítimo-pesqueiro, sendo a 4 actividade con maior presencia na economía da comunidade autónoma; é dicir, un sector referente. En Galicia desembárcase máis de 11% do peixe fresco da UE, prodúcese o 14% da acuicultura que factura o 4,5% dos 27 Estados membros. O valor engadido é 25 veces superior ao da media de Europa. O volume xeral de produción e comercialización é de 9.000 millóns de euros, segundo as táboas input-onput da pesca-conserva galega elaborado pola USC.

Máis información …….

Link: https://www.lavozdegalicia.es/noticia/somosmar/2023/03/26/pesca-eolica/00031679827256753240168.htm

Advertisement