CARMELA QUEIJEIRO
ana balseiro MADRID / LA VOZ
Recorre a expertos médicos que avalan que consumir peixe reduce o risco de infarto ou ictus para convencer ao Goberno
«Trátase de que a xente saiba que, se come peixe, vivirá máis e mellor, porque así deixará de consumir outros alimentos que prexudican a saúde». Así de contundente mostrouse onte o doutor Guillermo Aldama, cardiólogo do Hospital Universitario da Coruña (Chuac) durante un acto informativo en Madrid, co que toda a cadea do sector pesqueiro —desde armadores a confrarías, almacenistas, conserveiras, acuicultura, distribución ou peixarías— fixo o enésimo esforzo para trasladar á cidadanía e ao Goberno a importancia de manter a denominada dieta pesco-mediterránea (da que a atlántica é unha variante) para preservar a lonxevidade da que gozan os españois, á cabeza mundial do ranking.
Moi críticos coa negativa do Goberno para estender a baixada ou mesmo a supresión do IVE aos produtos pesqueiros —aféanlle o seu obstinado silencio ás misivas que lle enviaron—, o sector non cella no seu empeño de «alfabetizar en saúde» á poboación, para que os consumidores sexan realmente conscientes da importancia de incluír e aumentar o consumo de peixe na súa dieta. Para iso, o doutor Aldama fixo un percorrido polos principais estudos científicos mundiais, que conclúen que o consumo regular de peixe (de dous a tres veces á semana) diminúe ata nun 45 % o risco de sufrir accidentes cerebrovasculares (ictus) e nun 70 % a probabilidade de morte súbita, así como un 20 % o risco de falecer por infarto de miocardio, unha porcentaxe que aumenta nun 5 % por cada 100 gramos adicionais de consumo de produto preparado á prancha ou ao forno.
Lembran que fronte aos 500 millóns de euros que Facenda deixaría de ingresar rebaixando o IVE do peixe (actualmente no 10 %), as enfermidades asociadas á mala alimentación teñen un custo anual medio de 14.000 millóns para a sanidade pública, e podería incrementarse como consecuencia da desviación progresiva que se está detectando no consumo de peixe cara a outros alimentos menos saudables.
Máis información ….
Confraría Pescadores Cedeira 
Debe estar conectado para enviar un comentario.