CESAR TOIMIL
A necesidade de formar persoal cualificado é un reto crítico para o sector
A industria galega emprega xa a 1.200 persoas en proxectos de eólica mariña, pero ten por diante o reto de elevar esa masa laboral ata contar con 8.000 traballadores. En toda Europa serán necesarios, segundo Giles Dickson, conselleiro da asociación sectorial WindEurope, ao redor de 250.000 empregados. Darán resposta ás necesidades que presenta o sector, que cuantificou en 1.200 cimentacións, 20 subestacións, máis de 2.000 quilómetros de cable submarino e 56 novos barcos. A dimensión deste mercado —e o papel que xa está a xogar Galicia no mesmo— quedou de manifesto onte na sexta edición do Galician Offshore International Hub, un encontro organizado por GOE-Asime, Navantia Seanergies, Windar Renovables e a Xunta, que se celebrou no Centro de Innovación e Servizos (CIS) de Ferrol.
Pese ao bo momento polo que atravesa esta industria, que conta con importantes contratos no estaleiro de Fene, e tamén está a materializar notables investimentos de aumento de capacidade, a ausencia de persoal cualificado é un dos retos críticos aos que se enfronta o sector. «Atopar man de obra cualificada non é fácil», subliñou Abel Méndez, director comercial de Navantia Seanergies.
Máis información ……
Confraría Pescadores Cedeira 
Debe estar conectado para enviar un comentario.