M.MORALEJO
A Xunta licitará nunhas semanas dous buques lixeiros para o Servizo de Gardacostas
a secretaria xeral de Pesca, Alicia Villauriz, trouxo a colación no acto de presentación oficial das tres novas patrulleiras da Axencia Europea de Control da Pesca (EFCA) o que recoñeceu o Tribunal de Contas da UE: a excelencia do sistema de control da actividade ilegal do que dispón España.
Villauriz adiantou onte en Vigo que España ampliará os medios tecnolóxicos para loitar contra a pesca ilegal, incorporando drons e inspectores electrónicos. Tamén apuntou que dous españois traballasen a bordo do Ocean Sentinel no Mediterráneo. Indicou así mesmo que España é pioneira na implantación dun sistema para o intercambio en tempo real da información da actividade establecida no regulamento de control e do intercambio das actas electrónicas de inspección.
A conselleira de Mar, Rosa Quintana, anunciou que nas próximas semanas a Xunta licitará dous novos buques lixeiros gardacostas por valor de 2,5 millóns, cofinanciados con fondos marítimos europeos. Así, Galicia terá 6 patrulleiras lixeiras e unha de gran porte ao servizo do control da pesca ilegal. En total, este ano, a Xunta destinará preto de 27 millóns ao servizo de gardacostas.
Abel Caballero, alcalde de Vigo, foi a única voz que, durante o acto de recepción dos buques, deixou presente o mal estar do sector pesqueiro galego pola aplicación do regulamento sobre a pesca en augas profundas, aínda que indicou que se pode discrepar desde a cordialidade.
Confraría Pescadores Cedeira 
Debe estar conectado para enviar un comentario.