Grupos de Acción do Sector Pesqueiro inxectan 1,4 millóns en Galicia

O 60 % das subvencións públicas son para o sector, concellos e colectivos sociais

Con o 85 % cofinanciado polo Fondo Europeo Marítimo e de Pesca (FEMP), os Grupos de Acción Local do Sector Pesqueiro (GALP) inxectaron 1,4 millóns de euros na penúltima convocatoria desas subvencións, tal e como publica a Consellería do Mar. Desa cantidade, o 60 % destinouse os proxectos non produtivos e o 40 % restante dedícase aos produtivos, investimentos en empresas que poden xerar emprego.

Concretamente, estes últimos suman un total de 564.500 euros e a contía máis elevada foi para Panadería Patricio, de Pontedeume, que recibe case 145.790 euros para implantar unha «nova liña de elaborados de pan, empanadas e chocolates con produtos do mar». Iniciativas turísticas ou de lecer levan case 162.000 euros. O resto de subvencións cofinancian compras de básculas, de vehículos ou remolques, liñas de envasado e etiquetaxe, novas tecnoloxías, reciclaxe de residuos ou eficiencia enerxética, entre outros.

En canto aos investimentos non produtivos (destinadas a entidades, non a empresas privadas), a máis cuantiosa do total de 870.570 euros son os 106.560 que a Confraría de Pescadores de Barallobre dedicará á segunda fase de mellora da actividade marisqueira. Outras once confrarías galegas, unha asociación de percebeiros e unha lonxa reciben un total de 316.410 euros para adquirir e mellorar os seus equipamentos e áreas de traballo, promocionar os seus produtos ou roteiros turísticas, entre outros. Suman 286.790 euros os concedidos a doce concellos para distintas actividades. Os 128.850 restantes son para unha decena de clubs, asociacións e colectivos sociais.

Link: http://www.lavozdegalicia.es

Advertisement