«Vivo do mar grazas ao ciclo de FP dual de Celeiro», di un alumno que aposta pola pesca

Antonio Foces traballa de mariñeiro ata completar os días de mar que necesita para ser patrón

Antonio Foces, en primeiro plano, con outros compañeiros do ciclo de Ponte,en febreiro de 2019, visitando un pesqueiro en Cleiro.- PEPA LOSADA

Sucédense as reaccións á información sobre os dous ciclos medios de Formación Profesional (FP) dual de ponte e máquinas impartidos durante os dous cursos pasados. Non satisfixo aos armadores de Celeiro que intentaban crear unha canteira de mandos porque «empezaron os ciclos 18 alumnos, acabaron 16 e só 2 seguen na pesca».

Polas prácticas a bordo, nas que, en xeral, sentíronse tratados como «man de obra barata», tampouco resultou como esperaban os 7 estudantes que acabaron o ciclo de máquinas. Si compraceu a un dos alumnos de ponte, Antonio Foces, quen se declara «contento no mar, do que vivo grazas á oportunidade que me deu ese ciclo».

Cóntao mentres descansa tras regresar dunha marea a bordo dun volantero de fondo de Celeiro, onde traballa «de mariñeiro, ata completar vos doce meses de embarque necesarios para obter a tarxeta profesional, e tamén axudo nas gardas na ponche». Admite que a pesca «é un mundo moi duro, moi sacrificado e moi competitivo, non que hai que traballar, tamén botando unha man aos compañeiros aínda que esteas de alumno en prácticas, pero ten futuro». El creo e demóstrao. Segue acumulando experiencia para cumprir os requisitos que lle esixen para exercer de patrón e tamén traballou en palangreiros de fondo de Gran Sol e de percebeiro en Cedeira.

Link: http://www.lavozdegalicia.es

Advertisement