«Ten beneficios para o medio ambiente e pola posibilidade que nos dá de sementar».

José Pardo

A. CUBA

Pilar López Bellón é a presidenta da Agrupación de Mariscadoras de Cedeira, con socios deste municipio e de Valdoviño.

Pilar López Bellón, presidenta da Agrupación de Mariscadoras de Cedeira, con socias deste municipio e de Valdoviño, como ela mesma, recoñece que as xornadas formativas lle axudaron a «tomar conciencia da gravidade de tirar plásticos e outros residuos». Despois participou, coas súas compañeiras, na primeira sesión de limpeza: «Quitamos roupa, tenis, cabichas, palitos de limpar as orellas e dos chupachús, botellas, ferros e madeira de barcos antigos… Todo polo río [en Funil, en Pantín], nunha zona na que antes había ameixa moi boa. O que queremos é volver botala».

Nas 15 xornadas que quedan por diante limparán «a praia de Vilar, a enseada de Esteiro e a praia da Madalena». De feito, xa pensan en seguir despois pola súa conta, «cando se poida, en días que non haxa marea», para continuar extraendo lixo destas zonas. «Este proxecto é moi interesante -remarca López Bellón-, polos beneficios que ten para o medio ambiente ao reducir a contaminación, e polas posibilidades que nos dá de sementar ameixa fina».

«Estamos intentando ir para arriba», subliña a presidenta do colectivo de recolectoras, convencida de que «sen traballo non se consegue nada». En canto ao marisqueo, o verán empezou mal, con toxina en xuño e xullo, despois de tres meses de inactividade polo covid-19, pero agosto «foi bastante ben».

Link: http://www.lavozdegalicia.es

Esta entrada foi publicada en Uncategorized. Ligazón permanente.

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s